Камп'ютарныя гульні, "Рускі свет" і беларускае праваслаўе

Госцем чарговага выпуску праграмы «Гаворыць Смаленск» на радыё «Свабодны Смаленск» стаў беларускі даследчык камп’ютарных гульняў, магістр сацыялогіі Аляксандр Ражкоў, таксама вядомы як блогер SMOŬŽ_BY.

Разам з вядоўцам праграмы Вадзімам Сідаравым яны абмеркавалі:

ролю камп’ютарных гульняў у сучаснай цывілізацыі;

тое, што капіталізацыя рынку камп’ютарных гульняў сёння складае 180 мільярдаў долараў і перавышае капіталізацыю рынку класічных медыя;

тое, што сёння ў камп’ютарныя гульні гуляюць 50–60% жыхароў ЕС і каля 40% жыхароў Беларусі;

данясенне да аўдыторыі ідэалагічных наратываў праз гульні на прыкладах ЗША і ІДІЛ;

выкарыстанне камп’ютарных гульняў расійскімі прапагандыстамі;

расійска-ўкраінскую камп’ютарна-гульнявую вайну і гульні як сферу пошуку нацыянальнай ідэнтычнасці;

становішча беларускіх камп’ютарных гульняў і іх даследчыкаў;

адрозненні паміж заходняй і постсавецкай метадалогіямі даследавання гульняў;

еўразійства і рускі хаасізм у расійскім гульнявым асяроддзі;

ці магчымае беларускае нацыянальна арыентаванае праваслаўе;

як магла б быць дасягнутая аўтакефалія Беларускай праваслаўнай царквы;

праваслаўную беларускую супольнасць у Варшаве.

Пра ўсё гэта слухайце ў нашай праграме.